ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | ក្រុមហ៊ុន SpaceX – Starlink ស្វែងរកឱកាសវិនិយោគ​នៅកម្ពុជា | សមាគមអភិរក្សសត្វត្មាតពីការផុតពូជប្រចាំទ្វីបអាស៊ី SAVE បានវាយតម្លៃថាវត្តមានសត្វត្មាតនៅកម្ពុជាឆ្លុះបញ្ចាំងពីកិច្ចការពារនិងអភិរក្សធនធានធម្មជាតិបានយ៉ាងល្អ | ទូតអ៉ីស្រាអែលប្ដេជ្ញាចិត្ត ពង្រឹង និងពង្រីកកិច្ចសហប្រតិបត្តិការជាមួយកម្ពុជា ឱ្យកាន់តែរីកចម្រើនបន្ថែមទៀត | ឆ្មាំទន្លេនៅតំបន់ការពារសត្វផ្សោតទន្លេមេគង្គចំនួន ៣រូប ត្រូវបញ្ចប់តួនាទី ក្រោយរកឃើញថាមានជាប់ពាក់ព័ន្ធនឹងការនេសាទខុសច្បាប់ | BREAKING: ដកតំណែងប្រធានសាលាដំបូងខេត្តតាកែវព្រោះដោះលែងទណ្ឌិតជាប់ទោសពីបទឃាតកម្ម មិនទាន់បានអនុវត្តទោស ២/៣ នៃទោសសរុប |
ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | ក្រុមហ៊ុន SpaceX – Starlink ស្វែងរកឱកាសវិនិយោគ​នៅកម្ពុជា | សមាគមអភិរក្សសត្វត្មាតពីការផុតពូជប្រចាំទ្វីបអាស៊ី SAVE បានវាយតម្លៃថាវត្តមានសត្វត្មាតនៅកម្ពុជាឆ្លុះបញ្ចាំងពីកិច្ចការពារនិងអភិរក្សធនធានធម្មជាតិបានយ៉ាងល្អ | ទូតអ៉ីស្រាអែលប្ដេជ្ញាចិត្ត ពង្រឹង និងពង្រីកកិច្ចសហប្រតិបត្តិការជាមួយកម្ពុជា ឱ្យកាន់តែរីកចម្រើនបន្ថែមទៀត | ឆ្មាំទន្លេនៅតំបន់ការពារសត្វផ្សោតទន្លេមេគង្គចំនួន ៣រូប ត្រូវបញ្ចប់តួនាទី ក្រោយរកឃើញថាមានជាប់ពាក់ព័ន្ធនឹងការនេសាទខុសច្បាប់ | BREAKING: ដកតំណែងប្រធានសាលាដំបូងខេត្តតាកែវព្រោះដោះលែងទណ្ឌិតជាប់ទោសពីបទឃាតកម្ម មិនទាន់បានអនុវត្តទោស ២/៣ នៃទោសសរុប |

នាយករដ្ឋមន្ត្រីប្រកាសពី «តារារះនៅទិសឧត្តរ»

  • ចុះផ្សាយថ្ងៃទី០៣ ខែមេសា ឆ្នាំ២០២២ ម៉ោង ០៨:៣៩ នាទី ដោយ Hun Siriavadh
  • 1758
  Aa |   aA

សៀមរាប៖ នាយករដ្ឋមន្ត្រីកម្ពុជា សម្ដេចតេជោ ហ៊ុន សែន បានប្រកាសចេញពីខេត្តសៀមរាប នូវការដាក់តំបន់ឧត្តរនៃព្រះរាជាណាចក្រកម្ពុជា ជាតារារះនៅទិសឧត្តរ បន្ទាប់ពីការអភិវឌ្ឍនៅតំបន់នេះមានការកើនឡើងខ្លាំង។

ថ្លែងក្នុងពេលចុះពិនិត្យការសាងសង់ព្រលានយន្តហោះសៀមរាប-អង្គរថ្មី នៅស្រុកសូត្រនិគម ខេត្តសៀមរាប ថ្ងៃទី៣ ខែមេសា ឆ្នាំ២០២២ សម្ដេចតេជោ ហ៊ុន សែន ថ្លែងថា៖ «ខ្ញុំសូមយកឱកាសនេះប្រកាសថាតារារះនៅទិសឧត្តរមួយទៀត។ វាល្មមដល់ពេលដែលយើងត្រូវនិយាយយ៉ាងដូច្នេះដោយសារយើងមានវឌ្ឍនភាពច្រើនទៅលើការតភ្ជាប់រវាងទីក្រុងភ្នំពេញមកសៀមរាប និងពីសៀមរាបទៅកាន់ខេត្តបន្ទាយមានជ័យនិងបាត់ដំបង បូកជាមួយហ្នឹងការដែលយើងដាក់ទុនយ៉ាងច្រើនចូលទៅទីរួមខេត្តសៀមរាបកសាងហេដ្ឋារចនាសម្ព័ន្ធទ្រទ្រង់ដល់ល្អក្នុងទីរួមខេត្តដែលដាក់សម្ពោធនៅកន្លែងនោះ។ យើងកំពុងសាងសង់នូវអាកាសយានដ្ឋានអន្តរជាតិខ្នាតយក្សនៅខេត្តសៀមរាបនេះ។ ដូច្នេះវាបម្រើឱ្យការអភិវឌ្ឍន៍នៅតំបន់ឧត្តរដែលក្នុងនោះអាចគ្រប់ដណ្ដប់ខេត្តសៀមរាប ឧត្តរមានជ័យ កំពង់ធំ ហើយអាចផ្នែកមួយនៃខេត្តព្រះវិហារ»។

សម្ដេចតេជោ បញ្ជាក់ថាកម្ពុជាមានប៉ូល៣គឺ រាជធានីភ្នំពេញដែលជាបេះដូង និងរដ្ឋបាលកណ្ដាល ខេត្តព្រះសីហនុដែលជាប៉ូលទេសចរណ៍សមុទ្រ (តំបន់តារារះទិសនិរតី) ប៉ូលខេត្តសៀមរាប ជាប៉ូលទេសចរណ៍វប្បធម៌ (តំបន់តារារះទិសឧត្តរ)។

បើតាមសម្ដេចតេជោ ហ៊ុន សែន នាថ្ងៃខាងមុខក៏មានការប្រកាសពីតារារះនៅទិសឦសាន្តផងដែរ គឺខេត្តក្រចេះ មណ្ឌលគិរី រតនៈគិរី និងស្ទឹងត្រែង៕

PHOTO: EAC NEWS

ព័ត៌មានជាច្រើនទៀតសម្រាប់អ្នក